Selfy

R.R. VAN DER LEEST – 

 

gjinien hoecht in portret
fan my te meitsjen
dat doch ik sels

as ik my foar de spegel skear
heal it gesicht ynsjipje
en wat mear
mei de finger in streek oer de lippen
en gatten wêr’t de noasters sitte

dan doch ik fan de gekke
brike bekken trekke
de tonge útstekke
de earen útrekke

se kinne allegear ferrekke

dan fei ik it wei

ik hoech gjin portret
dat oaren meitsje
fan nimmen net

 

Nei oanlieding fan it artikel oer Christiaan Kuitwaard en syn wurk yn nûmer 2 fan ‘de Moanne’.

Reagearje

DE MOANNE

'de Moanne' wol in breed en kreatyf poadium biede foar aktuele en skôgjende bydragen oer kultuer en de keunsten. 'de Moanne' lit sjen wat der yn en om Fryslân spilet, yn taal, byld en nije media. 'de Moanne' ferskynt op it web, op papier en organisearret 'live'-moetingen.