It skouke fan pake

‘It skouke fan pake…’ reizgje tusken werklikheid & ferbylding: ferhalen & muzyk fan Bennie Huisman & tal fan gasten.

Elk minske is haadpersoan yn syn eigen libbensferhaal. Skriuwers, dichters & sjongers brûke wat se meimeitsje of meimakke ha yn ferhalen, fersen & lieten. Mar wat is der fan wier? En wat is ferbylding? Bennie Huisman skreau foarich jier in roman mei in auto-biografyske ynslach: ‘Lytse histoarje fan langst’. No wurket er oan in boek oer Wibren Altena, de skepper fan de ‘Ballade fan Longerhou’. Hy siket de spoaren fan dizze dichter & foardrager, lykas er foar de roman syn eigen spoaren socht. Hy fertelt & sjongt der oer yn in nijsgjirrich programma: ‘It skouke fan pake…’
Yn de 2e & 3e wike fan maaie, op 9 plakken. En alle jûnen wurkje oare gasten mei: sjongers & muzikanten, skriuwers & fertellers. Alle jûnen: 20.00 oere (m.ú.f 15-5)

11 maaie – Koudum – mei & by Thys Wadman, húskeamerfoarstelling, besletten
12 maaie – Warkum, de Klameare – mei De Doarmers & Douwe Kootstra
13 maaie – Heech, it Heechhûs – mei Frederike Kleefstra & Douwe Kootstra

14 maaie – Snits, Cingelsociëteit – mei Henk van der Veer & Corinne Staal
15 maaie – Goaiïngea, tsjerke – mei Henk vd Meer & oaren (15.00 oere!)
18 maaie – It Hearrenfean, bibliotheek – mei it koar De Reade Hoeke

19 maaie – De Rottefalle, Fermanje – mei Frederike Kleefstra & Tseard Nauta
20 maaie – Earnewâld, Skûtsjemuseum – mei Age Veldboom & de Aldegeasjongers
21 maaie – Jorwert, boppeseal kafee – mei Sytse vd Werf, Marcel Prins & Auck Peanstra

Comments
Ien reaksje oan “It skouke fan pake”
  1. miss euro schreef:

    Der stean gjin yntreeprizen by.

DE MOANNE

'de Moanne' wol in breed en kreatyf poadium biede foar aktuele en skôgjende bydragen oer kultuer en de keunsten. 'de Moanne' lit sjen wat der yn en om Fryslân spilet, yn taal, byld en nije media. 'de Moanne' ferskynt op it web, op papier en organisearret 'live'-moetingen.