Lânboumuseum Earnewâld; Abe Gerlsma, Keunstner/útfiner
Publisearre op 28 juni 2011
Thús haw ik in boek dat hjit ‘Hoe word ik gelukkig’, skreaun troch de ferneamde berneboekeskriuwer Guus Kuijer. Wat moatst dwaan om gelokkich te wurden? Loslitte, ûntspanne, dysels wêze, sizze in soad terapeuten. Nee, seit Kuijer, dy earne yn fêstbite, dy ynspanne, en net allinnich mar dyn eigen keale skriele sels wêze, mar dysels ferrykje mei oare tinkwizen, en nije kennis, dát makket op ‘e lange duer gelokkich. Oan dit pleit fan Kuijer moast ik tinke doe’t ik lies oer de eksposysje oer libben en wurk fan Abe Gerlsma (1919). Gerlsma learde himsels etsen op in ôffalplaatsje sink en mei inket fan glyserine en skuonpoetsersguod. It wie it begjin fan in mânsk oeuvre fan grafysk wurk.
Dêrnjonken hat Gerlsma altyd in soad tekene en skildere: hy wie fassinearre troch it tsjinljocht yn it Fryske lânskip. Der wie noch mear wat Gerlsma fassinearre: de lânboumeganisaasje. Njonken keunstner hat Gerlsma wurke by de lânboufoarljochting as masineboukundige. Yn dy funksje hat er de saneamde ‘aardappelloftrekmachine’ útfûn en de ‘snarenbedpootmachine’. Mar yn syn argyf binne noch mear útfinings te finen lykas de ierdappelbunkersortearmasine, in nij type skodder, in keunstdong-losynstallaasje en ek in skaaf-feimasine dy’t er ûntwikkele foar de iisbaan yn Frjentsjer.
De útstalling yn it lânboumuseum yn Earnewâld lit, njonken byldzjend wurk, ûnder oaren materiaal sjen út it privee-argyf fan Abe Gerlsma, lykas unike foto’s en orizjinele wurktekeningen.
Lânboumuseum Earnewâld; Abe Gerlsma, Keunstner/útfiner, oant en mei 28 augustus
Mirjam van Houten
Kategory
Tags
Diel dit artikel!
Relatearre artikels
Kategory: Byldzjende keunst,Essay
YME KUIPER - ‘Een portret kan groot zijn, grooter dan de oneindige lucht, grooter dan de heerlijkste buitendag, het portret toch kan het leven, de [...]
Kategory: Byldzjende keunst,kultuerbelied,Ynterview
GRYT VAN DUINEN - Yn 1997 makke Oeds Westerhof (37) as direkteur fan Keunstwurk syn entree yn de Fryske kultuer. Foar fiif jier woe er [...]
Kategory: Arsjitektuer,Byldzjende keunst,Essay
HUUB MOUS - It Frysk Museum hat fan de ferline jier ferstoarne arsjitekt Abe Bonnema achttjin miljoen euro krigen foar nijbou ‘op of aan het [...]