Slagtedyk
Publisearre op 28 juli 2015
SIMON OOSTING –
jim folgje de dyk de ûnsichtbere spoaren
fan soartgelikense spilers mar yn oare klean
en sa ’t jim tinke mei oare kleuren sy wienen skier
of swart en drôvich ûnder lagen smoarch fernis
jim sluere as in leger tsjin it lânskip oan
as dat wat mar efkes is tsjin dat wat bliuwt oan
oer seedyk klaaidyk tarredyk en dat wat ferlitten en ferjitten is
jim binne soldaten boerkes en it tsjerkefolk
en geane sa as sy gienen efter weinen mei ikehoutene kisten
op ’e wei nei it hôf by tsjerketuorren op de terpen heech
ûnferbidlik stjoerd troch nea skreaune wetten
ik sis jim it gean en kommen fan streamen folk
is as fan it wetter fan de see de eb en floed fan it lân ik wit
jim sille ivich en erflik rinne omdat sa it altyd wêze sil
Kategory
Tags
Diel dit artikel!
Relatearre artikels
Kategory: Poëzij
HANS PETER WESTIN - I Zelfportret met kroonpen Hij legt de taal op zijn palet en kneedt met staal de tussentint waarin zijn [...]
Kategory: Literatuer,Resinsje
SJOERD BOTTEMA - Jacob Nauta syn beppe is mâl mei har hinnen. Se praat dermei. ‘Kwòòòk-hoe-wiiie-it-meiiii-jim-kwòòòk-kwòòòk-ha-jim-ekaaaaien-ein-kwòòòk?’ En hoewol’t de hinnen allinne mar ‘kwòòòk?’ weromsizze, [...]
Kategory: Literatuer,Poëzij,Ynterview
HENK VAN DER VEER - Poëzij libbet yn Fryslân. Mar hoe stiet it der mei dy poëzij foar? Dêr sprekke dichters (m/f) har yn dizze [...]