SjONG Junior wint ynternasjonale priis

It programma 𝗦𝗷𝗢𝗡𝗚 𝗷𝘂𝗻𝗶𝗼𝗿 is yn de prizen fallen by 𝗣𝗿𝗶𝘅 𝗖𝗜𝗥𝗖𝗢𝗠, de belangrykste ynternasjonale priis foar regionale programma’s. SjONG junior krige de priis takend yn de kategory Music and Arts.

Presintator Raynaud Ritsma meld op syn Facebook-side: “Mega trots ben ik op ons team, waaronder regisseur 𝗠𝘂𝗿𝗸-𝗝𝗮𝗲𝗽 𝘃𝗮𝗻 𝗱𝗲𝗿 𝗦𝗰𝗵𝗮𝗮𝗳, producer 𝗗𝗶𝗿𝗸-𝗟𝗲𝗻𝗻𝗮𝗿𝘁 𝗛𝗼𝗴𝗲𝘃𝗲𝗲𝗻 en cameraman 𝗝𝗮𝗻 𝗕𝗲𝗻𝘀𝗹𝗶𝗺𝗮𝗻. Het is fantastisch dat een jury met mensen uit heel Europa dit een goed format vind.”

Hy relativearret lykwols daliks: “Het is een enorme beloning, maar als er na het optreden in de Lawei een 11-jarige leerling naar ons toekomt en zegt: ‘𝗗𝗶𝘁 𝘄𝗮𝘀 𝗱𝗲 𝗺𝗼𝗼𝗶𝘀𝘁𝗲 𝗱𝗮𝗴 𝘃𝗮𝗻 𝗺’𝗻 𝗹𝗲𝘃𝗲𝗻’. dan overstijgt dat eigenlijk deze prijs.”

Op 1 juny nimt in delegaasje fan SjONG de priis yn ûntfangst op it prizegala yn San Sebastian, Spanje.

SjONG junior is in twajierliks Frysk sjongfestival foar basisskoallen. Mei de hiele klasse skriuwe bern út groep 6, 7 en 8 ûnder begelieding fan muzykprofesjonals in eigen skoalliet. It proses wurdt folge troch de kamera’s fan Omrop Fryslân Tsjil. Yn in útferkochte Lawei yn Drachten meie de skoallen optrede mei harren liet.