In bus fol

RENÉ DE HAAN –

Ride sûnder it te witten
Under de loft fan juster

De bestjoerder wit
Net oft er wol 
Meigiet yn dit nuver waaien

Dêr’t elkenien sjocht
Nei syn hannen
Is hy al dêr’t er wêze wol

Mei ingels yn ’e holle
Freget er oft wy se ek hearre
En stapt út.

 

(Earder públisearre yn DeMoanne #4, 2021)

Reagearje

DE MOANNE

'de Moanne' wol in breed en kreatyf poadium biede foar aktuele en skôgjende bydragen oer kultuer en de keunsten. 'de Moanne' lit sjen wat der yn en om Fryslân spilet, yn taal, byld en nije media. 'de Moanne' ferskynt op it web, op papier en organisearret 'live'-moetingen.