Sjoerd Dirk Janzen
(foto: Reyer Boxem) Yn Kunstsalon Assen is oant 5 maaie 2013 in útstalling te sjen fan Sjoerd Dirk Janzen (1955-2006). Marita de Jong en Steven sterk skreaun earder foar de Moanne twa prachtige stikken oer dizze yndrukwekkende Fryske skilder. Op snein 7 april sil Remco Ekkers in foardracht hâlde yn Assen, oer de relaasje tusken de gedichten fan Janzen en syn byldzjende wurk. KunstSalon, Vaart NZ 6 in Assen, facebook.com/kunstsalonassen.
Sjoerd Dirk Janzen (1956-2006)
Dat ik deagean, dat akseptearje ik folslein. Ik ha in moai libben hân, alles dien wat ik sels woe. Mear mei in minske net easkje. As it wat koarter as langer is, dêr ha ik frede mei. It giet om de kwaliteit, net om de lingte. Ik ha dwaande west mei de dingen dy't my wat dien ha.
Sjoerd Dirk Janzen: troch keunst te meitsjen sjoch ik wêrom't ik hjir bin
Sjoerd Dirk Janzen is berne yn Easterbierrum. Hy wie foarbestimd om boer te wurden. It gie oars. Hy woe sels ynhâld jaan oan syn libben. Janzen is byldzjend keunstner en wurket en wennet yn Grins en Berlyn. Hy wie ek in betûft keatser. Janzen siket al syn hiele libben de grinzen op. Sa libbe er in jier as streetman yn New York. Hy is in man dy’t kontrasten nedich hat om it wurk te meitsjen dat er meitsje wol.