Boeken as medisyn yn kringloopwinkel Drachten
Publisearre op 5 juli 2023
Ljouwert UNESCO City of Literature en De Culturele Apotheek hâlde op sneon 15 july tusken 14.00 en 16.00 oere in fergees ynrinsprekoere ‘boeken op recept’ op de grutte boekôfdieling fan kringloopwinkel Hart in Friesland yn Drachten. Dizze spesjale apoteek skriuwt gjin salfkes of pillen foar, mar literêre medisinen tsjin deistige krupsjes.
Wa’t lêst hat fan keuzestress, fan ûnbeantwurde langstme of wurkwalging, in brutsen hert of oare kwalen of libbensfragen is by De Culturele Apotheek op it goede plak. De kulturele aptekers jouwe daliks en fergees in persoanlik, op maat makke boekresept, ynklusyf de juste dosering, de bêste tiid om it yn te nimmen en eventuele bywurkingen. De foarskreaune boeken kinne direkt socht en kocht wurde by de kringloopwinkel.
Ljouwert UNESCO City of Literature docht mei oan it Fries Leesoffensief en organisearret dêrom yn hiel Fryslân aktiviteiten dy’t mei it lêzen te krijen hawwe. Sjoch foar mear ynformaasje op www.leeuwardencityofliterature.nl.
Kategory
Tags
Diel dit artikel!
Relatearre artikels
Kategory: Poëzij
HANS PETER WESTIN - I Zelfportret met kroonpen Hij legt de taal op zijn palet en kneedt met staal de tussentint waarin zijn [...]
Kategory: Literatuer,Resinsje
SJOERD BOTTEMA - Jacob Nauta syn beppe is mâl mei har hinnen. Se praat dermei. ‘Kwòòòk-hoe-wiiie-it-meiiii-jim-kwòòòk-kwòòòk-ha-jim-ekaaaaien-ein-kwòòòk?’ En hoewol’t de hinnen allinne mar ‘kwòòòk?’ weromsizze, [...]
Kategory: Literatuer,Poëzij,Ynterview
HENK VAN DER VEER - Poëzij libbet yn Fryslân. Mar hoe stiet it der mei dy poëzij foar? Dêr sprekke dichters (m/f) har yn dizze [...]