Podcast DE ZINNEN VERZETTEN
Publisearre op 24 maart 2023
Yn de moanlikse podcast DE ZINNEN VERZETTEN prate teätermakker en edutainer Ritsko van Vliet en skriuwster Anita Terpstra oer it skriuwen fan in boek. Van Vliet is dwaande mei syn earste boek, Terpstra hat der meardere op har namme stean.
De podcast is bedoeld foar begjinnende skriuwers en Nederlanners dy ’t derfan dreame om ea in boek út te jaan. Yn de earste ôflevering nimme Van Vliet en Terpstra de harkers ûnder oare mei yn harren wrakselingen op skriuwgebiet, en diele se tips & trics.
Bio’s
Oer Ritsko van Vliet (1952): by Van Vliet stiene oare útdagingen it skriuwen fan in boek lang yn it paad. Oant de corona Nederlân yn in lockdown sette. Syn freondinne moedige him oan de frijkommen tiid te brûken om te skriuwen. Yn oardel jier trochrûn er de kursus Kort Verhaal by de Amsterdamske Skriuwersfakskoalle en de masterclasses Meesterproef en Topklas by de Querido Academie. Hy krige les fan de bekende skriuwsters Roos van Rijswijk, Carla de Jong en Sophie Zijlstra. Yntusken skriuwt Ritsko voor Seniorenkrant ferhalen oer syn jeugd yn Ljouwert en is er haadredakteur a.i. foar de Leeuwarder Studentenkrant.
Oer Anita Terpstra (1974): Terpstra studearre sjoernalistyk en keunstskiednis. Earder skreau se faak priizge thrillers, wêrûnder it foar de Gouden Strop nominearre Samen. Dêrneist skreau se it hûs fol, in non-fiksjeboek oer grutte húshâldingen fan eartiids, de roman De moedermaffia en yn Al mijn moeders oer har famyljeskiednis.
De earste ôflevering is yntusken in feit en is te beharkjen fia https://dezinnenverzetten.buzzsprout.com en op Spotify.
Kategory
Tags
Diel dit artikel!
Relatearre artikels
Kategory: Literatuer,Resinsje
SJOERD BOTTEMA - Jacob Nauta syn beppe is mâl mei har hinnen. Se praat dermei. ‘Kwòòòk-hoe-wiiie-it-meiiii-jim-kwòòòk-kwòòòk-ha-jim-ekaaaaien-ein-kwòòòk?’ En hoewol’t de hinnen allinne mar ‘kwòòòk?’ weromsizze, [...]
Kategory: Literatuer,Poëzij,Ynterview
HENK VAN DER VEER - Poëzij libbet yn Fryslân. Mar hoe stiet it der mei dy poëzij foar? Dêr sprekke dichters (m/f) har yn dizze [...]
Kategory: Literatuer,Resinsje
ERNST BRUINSMA - Yn 1990 ferskynde de roman Possession fan de Britse skriuwster A.S. Byatt. Datselde jier waard it boek bekroand mei de prestigieuze Bookerprize [...]