Flokkend út it hok
Publisearre op 1 september 2020
ARJAN HUT –
is in dier in minske
mar minder?
smoarch en oerdiedich is de sinne
har koroana fan stekflam,
kampfjoeren op it fel,
as in barbecue himet se ús
yn de nekke
de waarmte skerp as in tou
om triljend fleis
yn stêden oan de râne fan it ferstân
stekke skimmen, neat te dwaan en nerges hinne,
de nacht yn brân
hâld de bern yn de gaten!
se binne wend om frij te wêzen
is in dier in minske
mar better?
dat wy, út ûnbegryp foar it wreed
fan boalen, flokkend út it hok,
ús martelfantasyen de frije loop litte
fjoerwolven yn in koai fan swit
in rillige bui ferdriuwt de lêste stûpen
fan in simmer dy’t we daliks
fersûpe moatten hiene
Kategory
Tags
Gjin tags
Diel dit artikel!
Relatearre artikels
Kategory: Poëzij
HANS PETER WESTIN - I Zelfportret met kroonpen Hij legt de taal op zijn palet en kneedt met staal de tussentint waarin zijn [...]
Kategory: Literatuer,Poëzij,Ynterview
HENK VAN DER VEER - Poëzij libbet yn Fryslân. Mar hoe stiet it der mei dy poëzij foar? Dêr sprekke dichters (m/f) har yn dizze [...]
Kategory: Literatuer,Poëzij
HARMEN WIND - BESIKING In beam draacht mear as er opnimt. Sa kin, wylst er al kroant ûnder syn eigen leaf, in kloft [...]