De rails boem boem boem
Publisearre op 20 juni 2017
EELTSJE HETTINGA –
DE RAILS BOEM BOEM BOEM
Skal-da, skal-drom,
alles dronken, alles trom.
Te kiekeboe, ta optika
sjongt Herr Hugo Ballala
syn trallala
op ’e trein nei Barcelona –
Ien grut fûnkjen
de rails boem-boem-boem
yn in hielal
sparkjend rûnom.
Skal-da, skal-drom,
alles hinkjend, alles prom.
Licht soeikjendewei it lichem hjir
metronoom
largo, largo
yn de griene skommelwagon
Trij-Njoggen-Ien.
Der is in stien, in stien dy’t praat,
in stien dy’t
kantike mearkes iepenteart,
in happe dy’t troch de kosmos draaft,
presto, presto
op ’e rêch
it animearfamke Gala Gala,
twa Gerswhin spyljende dodo’s
op ’e heupen heuvelich,
dûnsjendewei
ûndertiden.
O nee? O Nee?
Wa net sjongt himsels net de lange sangen fan
miskien, miskien
foarby it kwibusseizoen fan
Jesoess Kristoess?
It ain’t necessarily so
te kiekeboe,
ta optika,
sjongt Herr Hugo Ballala
op ’e reade operatrein
nei Barcelona
ON THISSE KWYKKWYK JOEN
in koperen trechter, omkeard op ‘e kop,
mei de noas fan Michelangelo foar,
sjongt Herr Hugo Ball út folle boarst
yn âld-Khartoem: olles sil, olles sol,
ta sopstra, kee tsjinda tha boem boem boem,
hot age wi to dwane on thisse
kwykkwyk joen bi the sunna sa helga –
Kategory
Tags
Diel dit artikel!
Relatearre artikels
Kategory: Poëzij
HANS PETER WESTIN - I Zelfportret met kroonpen Hij legt de taal op zijn palet en kneedt met staal de tussentint waarin zijn [...]
Kategory: Literatuer,Poëzij,Ynterview
HENK VAN DER VEER - Poëzij libbet yn Fryslân. Mar hoe stiet it der mei dy poëzij foar? Dêr sprekke dichters (m/f) har yn dizze [...]
Kategory: Literatuer,Poëzij
HARMEN WIND - BESIKING In beam draacht mear as er opnimt. Sa kin, wylst er al kroant ûnder syn eigen leaf, in kloft [...]