Gysbert Japicxjûn mei Kees van Leeuwen en Aggie van der Meer
Publisearre op 25 oktober 2011
Boalsert – Freedtejûn oansteande, 28 oktober, is der yn it Gysbert Japicxhûs in noflike jûn organisearre mei sprekkers en fertellers oer it libben en it wurk fan Gysbert Japicx.
Kees van Leeuwen, berne oan de Delftse Schie, is byldzjend keunstner en wennet al jierren yn Boalsert. Yn 2007 hat van Leeuwen in boek útjûn mei ôfbyldings dy’t hy makke hat by it wurk en gedichten fan Gysbert Japicx. De ôfbyldings binne yn werklikheid skilderijen dy’t yn it Gysbert Japicxhûs te sjen binne. Van Leeuwen sil fertelle oer hoe syn libben as keunstner ûntstien is, wat him ynspirearre hat yn it wurk fan Gysbert Japicx en hoe’t it is om as ‘net-Fries’ konfrontearre te wurden mei de Fryske taal.
Aggie van der Meer, ek ynwenner fan Boalsert, makket de lêste 10 jier poëzy en skriuwt ferhalen, romans en toanielstikken.
Op de jûn oer Gysbert Japicx sil frou van der Meer foardrage út har boek dêr’t sy skriuwt oer in moeting mei Gysbert Japicx. Aggie van der Meer is dit jier winner wurden fan de Piter Jelles Priis mei har histoaryske boek ‘Oerfeart’. Ek frou van der Meer sil út de doeken dwaan hoe’t sy as skriuwster trochbrutsen is.
De jûn mei dizze sprekkers sil ôfwiksele wurde mei muzyk fan de Fryske komponist Paulus Folkertsma, in bakje kofje en in Fryske lekkernij.
De jûn begjint om 20.00 oere. As jo it programma yn it Gysbert Japicxhûs oan de Wipstrjitte 6 yn Boalsert bywenje wolle, dan graach efkes opjaan. Tel: 0515-573990 of E-mail: ynfo@gysbertjapicx.nl
Kategory
Tags
Diel dit artikel!
Relatearre artikels
Kategory: Literatuer,Nijs
Yn de kommende ‘Moanne’ stean wy wiidweidich stil by it ferstjerren fan Trinus Riemersma, grut skriuwer, oprjochter fan de Koperative Utjouwerij en âld-redakteur fan Trotwaer. [...]
Kategory: Nijs
Tot 31 oktober aanstaande kan poëzietalent tussen de 16 en 18 jaar zich aanmelden als kandidaat voor de verkiezing van de Jonge Dichter des Vaderlands [...]
Kategory: Nijs
Tien ontwerpen zijn genomineerd voor de zesde Vredeman de Vriesprijs voor Vormgeving van de provincie Fryslân. Er kwamen 86 inzendingen binnen, 17 meer dan bij [...]