Fakatuere, stichting de Moanne siket in entûsjast bestjoerslid

Stichting de Moanne is op syk nei in nij, entûsjast bestjoerslid (net betelle). Hasto ynteresse om ús bestjoer te fersterkjen en mei te tinken oer de takomst fan ús tydskrift? 

Wat wy fan dy ferwachtsje:

omslach de Moanne 03 – 2024

• Mei de twa oare bestjoersleden bisto einferantwurdlik foar stichting de Moanne.
• Do tinkst aktyf mei oer it belied en de koers fan de Moanne.
• Do advisearrest oer en beoardielest takomstplannen, begruttings, jierferslaggen en subsydzje-oanfragen.
• It bestjoer fergadert sa’n seis kear yn it jier mei de haad- en einredakteur.
• Wy sykje in bestjoerslid mei ûnderfining yn marketing en kommunikaasje.

Foar mear ynformaasje oer ‘de Moanne’ sjoch op ús webside nei de tekst ‘Wat is de Moanne’? 

Bisto de persoan dy’t wy sykje? Stjoer dan foar 1 septimber dyn cv en in koarte motivaasjebrief nei ynfo@demoanne.nl. Foar eventuele fragen kinst itselde adres brûke.

Wy sjogge út nei dyn reaksje! We nimme dan begjin septimber kontakt mei dy op.