Jelle Kaspersma (1948-2019)
Ofrûne snein 17 febrewaris 2019 ferstoar dichter/skriuwer Jelle Kaspersma. Yn dit dossier alle stikken mei en oer it wurk en libben fan Kaspersma dy’t earder publiseard binne yn ‘de Moanne’.
Yn memoriam Jelle Kaspersma (1948 – 2019)
Jelle Kaspersma, dy’t in pear dagen lyn ferstoar, hearde by in ploechje freonen fan my. It hie te krijen mei wat er op papier sette en publisearre (meast by de Koperative Utjouwerij) en mei wa’t er wie en hoe’t er yn it libben stie. Syn fersen fassinearren my, meidat se sa folslein autentyk binne. Mar ek syn ferhalen oer de Yndianen yn proaza en poëzy seine wat oer de persoan Jelle Kaspersma. Hy wie belutsen by de wrâld, by minsken. Lykas syn poëzy wie ek hy foar my autentyk.
Jelle Kaspersma is in observator
Jelle Kaspersma skriuwt al hast fjirtich jier Fryske gedichten. Syn lêste bondel Ieneach Kening ferskynde okkerdeis by útjouwerij Venus. Foar dy bondel hat er fersen makke by tekeningen fan Gerrit Cnossen. It tastânkommen fan de bondel is in ferhaal apart.