Meiskriuwe oan ‘de Moanne’?
Publisearre op 7 december 2020
Wolsto in bydrage leverje oan de Moanne online of op papier? Dat kin! de Moanne is altyd op syk nei minsken dy’t goed skriuwe kinne en skerp tinke. Skriuwsto graach oer byldzjende keunst? Wolsto wat kwyt oer in boek datst krekt lêzen hast? Wolst in resinsje skriuwe oer in optreden datst koartlyn sjoen hast? Of wolst in bydrage leverje yn de foarm fan in fideo of in gedicht? Fertel it ús en stjoer dyn bydrage nei: reaksje@demoanne.nl.
Soesto foar ús skriuwe wolle, mar hast ferlet fan in konkrete opdracht? Dat kin ek. Lit ús witte hokker fan de tema’s dy’t ûnder de Moanne falle, binnen dyn ynteressegebiet falle en wy komme der grif út.
de Moanne wol in breed en kreatyf poadium biede foar aktuele en skôgjende bydragen oer kultuer en de keunsten. de Moanne wol sjen litte wat der yn en om Fryslân spilet, yn taal, byld en nije media. Op it web, op papier en fia ‘live’-moetingen.
Wy hoopje fan dy te hearren!
de redaksje
Kategory
Tags
Diel dit artikel!
Relatearre artikels
Kategory: Oprop
de Moanne is ít poadium fan Fryslân foar kultuer en de keunsten. Dêrom freegje wy dy om dyn wurk yn te stjoeren. Skriuwst? Makkest muzyk, [...]
Kategory: Oprop
De Fryske haadstêd wol foar ien miljoen euro in ikoanysk byld bouwe litte. It moat in unyk werkenningspunt foar Fryslân en Ljouwert wurde. It byld [...]
De redaksje fan de Moanne siket foto's foar de fotorubryk ‘De lêzende mins – De lezende mens′. De foto-opdracht is in frije opdracht mei as tema [...]
