De Marboei – Elmar Kuiper

Yn opdracht fan de Marrekrite lansearret de Moanne it projekt ‘De Marboei’. In poëtysk ankerplak op it Fryske wetter. Maarten Inghels, Elmar Kuiper, Ellen Deckwitz en Jaap Krol skreaunen op ’e mar in gedicht. It gedicht is mei GPS-lokaasje werom te finen fia de Marboei-webside dy’t bûn is oan in boei op de mar.

Yn dizze fideo fan Remco de Vries dichter Elmar Kuiper op de Swarte Brekken. “De Swarte Brekken, dat ropt in soad by my op. Ik bin wol in man fan taal. It wurd ’swart’ ropt wol wat by my op, lykas it wurd ’brekken’. As is der wat stikken gien. En dêr wol ik oer skriuwe.” Syn gedicht is werom te lêzen fia de mobile Marboei-webside en yn de Moanne nûmer 3.